Білім туралы 90

Оқу - білім азығы,
Білім - ырыс қазығы.
Оқусыз білім жоқ,
Білімсіз күнің жоқ.
Оқу - инемен құдық қазғандай. Оқу - білім бұлағы,
Білім - өмір шырағы.
Оқымаған бір бала -
Оқыған екі бала.
Оқы да біл, ойна да күл. Оқығанның беті жарық,
Оқымағанның беті көн шарық.
Оқыған қара суға қарсы жүзер. Оқыған - білгір, оқымаған - ділгір. Оқығанның көңілі тетік, сөзі майда. Оқығанды айтпа, тоқығанды айт. Көп оқыған білмейді,
Көп тоңыған біледі.
Шәр кітапты оқысаң,
Әр кітапты оқырсың.
Сен оқысаң, мен тоқыдым. Асырауын тапса адам болар,
Оқуын тапса білім қонар.
Жақындықты ат айырады,
Оқымағанды хат айырады.
Тоқытпасаң оқытпа. Шексіз оқу болса да, тексіз оқу жоқ. Үйрене алмаған ұстазынан көреді. Атпаз көрген ат таныр,
Ұстаз көрген хат таныр.
Ұстазы жақсының ұстамы жақсы. Ұстаздан шәкірт озар. Шәкіртсіз ұстаз тұл. Ұстазыңды атаңдай сыйла. Ғылым - теңіз, білім - қайық. Өнер - бұлақ, білім - шырақ. Білім - ер азығы,
Ер -ел қазығы.
Білгеннің жауы - білмеген. Ғылым - Алланың бір сипаты. Білім қымбат, білу қымбат. Қына тасқа бітеді,
Білім басқа бітеді.
Жер - ырыстың кіндігі,
Білім - ырыстың тізгіні.
Жердің сәні - егін,
Ердің сәні - білім.
Білім ауысады, ырыс жүғысады. Білім іздеген өсер,
Бүлік іздеген өшер.
Білімсіздің білмегенін кешірмесең,
Білгенің қайсы.
Білімнің басы - бейнет, түбі - зейнет. Білімді бесіктен тесікке дейін ізде. Білімі жоқ ұл - жұпары жоқ гүл. Күш - білімде, білім - кітапта. Білегіңе сенбе, біліміңе сен. Білімдіге дүние жарық,
Білімсіздің күні кәріп.
Тіліңмен жүгірме, біліміңмен жүгір. Білім алмай «болдым» деме,
Еңбек етпей «толдым>> деме.
Білекті бірді жығар,
Білімді мыңды жығар.
Білім сүріндірмейді, білек сүріндіреді. Көп сөйлеген білімді емес,
Дөп сөйлеген білімді.
Бұлдыр білген бүлдірер. Білімдіге ақыл айтқаның - бүлдіргенің. Жеті жұрттың тілін біл,
Жеті түрлі ілім біл.
Білімді әр нәрсенің байыбын айтады,
Білімсіз біреудің айыбын айтады.
Білімсіз адамның сөзі білектей,
Білімді адамның сөзі жібектей.
Өзің білмес ісіңді
Білгендерден сұрап біл.
Өліп жатсаң наданнан
Қабіріңді жырақ қыл.
Қатты жерге егін шықпас,
Қаңсыған басқа білім жұқпас.
Күннен де білім жарық. Білімді әйел басыңа қарайды,
Білімсіз әйел жасыңа қарайды.
Қараңғының көзі жоқ. Білім алып құрасын,
Еңбек етіп сұрасын.
Көп біл, аз сөйле. Білімді өлсе, қағазда аты қалар,
Ұста өлсе, істеген заты қалар.
Біліп тұрсаң да, сұрап ал. Білімсізден де бір іс өтер,
Білімдіден де бір іс өтер.
Білім - ердің дәулеті. Тұлпар дүлдүлдігінен,
Адам білгірлігінен.
Білмегенді білдірмесең, білгенің бар болсын. Ғалымның алдында аузыңа ие бол. Құдай әлемнен бұрын қаламды жаратқан. Ғалыммен жақын болсаң, қолың жетер,
Залыммен жақын болсаң, басың кетер.
Білгенге - тоғыз, білмегенге - тоқсан тоғыз. Ділгір, ділгірдің бәрі білгір. Білсе - барымта, білмесе - қарымта. Өзің жақсы ғалым болсаң,
Елге мәшһүр мәлім боларсың.
Білгенге - «жыр», білмегенге - «дыр>>. Білмегенді білдір,
Қолына алтын жүзік ілдір.
Білмегенді үйрет,
Жерге соқа салдырып сүйрет.
Білмеген мың пәлеге тұтылар,
Білген мың пәледен құтылар.
Белгі болса, жолдан адаспас,
Білімді болса, сөзден жаңылмас.
Алған сабағың біреу болсын,
Тоқығаның мың болсын.
Қазының қазынасы - білігі,
Байдың қазынасы - түлігі.
Өзі білмегеннің аузына қарама. Жасыңда ұқпағанды жасай келе түсінерсің. Білімдінің аты өсер,
Білімсіздің аты өшер.
Мың ділдә - білімдінің жалғыз сөзі. Білмеген мін емес,
Білместікке көнген мін.
Білім - дария көл,
Надандық - сусыз шөл.
Оқуға сенген ұмытшақ,
Жазуға сенген жаңылшақ.
Әрбір ғалым хакім емес,
Әрбір хакім ғалым.
Оқу түбі - тоқу. Білмеген у ішер. Жаста оқыған оқуың -
тасқа жазғанмен бірдей;
Қартайғанда оқыған оқуың -
мұзға жазғанмен бірдей.